СТРАТЕГИЯЛЫҚ ЫНТЫМАҚТАСТЫҚ ТУРАЛЫ МЕМОРАНДУМ
2023 жылғы 28 тамызда Үшарал қаласында «Алакөл көпсалалы колледжі» МКҚК мен ИП «Ametist» арасында стратегиялық серіктестік туралы құжатқа қол қойылды. Колледж директоры А.Т. Салиева мен «Ametist» кәсіпорнының директоры Қаламқас Сүлейменова білікті жұмысшы кадрлар мен техникалық мамандарды даярлау сапасын арттыру мақсатында өзара келісімге келді.
Ынтымақтастықтың негізгі бағыттары:
-
Дуальды оқыту жүйесін енгізу және дамыту.
-
Кәсіпорынның өндірістік персоналын даярлау, қайта даярлау және біліктілігін арттыру.
-
Озық тәжірибемен, ғылыми және өндірістік жетістіктермен алмасу.
-
Колледждің материалдық-техникалық базасын жаңарту және заманауи жабдықтармен жарақтау бойынша кеңес беру.
-
Инженер-педагог кадрлар мен өндірістік оқыту шеберлерінің біліктілігін арттыру және тағылымдамадан өтуін ұйымдастыру.
-
Білім алушылардың өндірістік практикасын өткізу.
-
Мамандықтар бойынша біліктілік талаптарын әзірлеу және жұмыс берушінің талаптарына сай жетілдіру.
-
Еңбек нарығындағы сұранысқа ие кәсіптерді болжау үшін бірлескен зерттеулер жүргізу.
-
Кәсіптер бойынша біліктілік емтихандарын ұйымдастыру және өткізу.
Қосымша мәліметтер:
-
Меморандумды жүзеге асыру үшін тараптар өкілдерінен құралған арнайы жұмыс тобы жауапты болады.
-
Құжат қол қойылған күннен бастап 5 жыл мерзімге жасалды.
-
Бұл меморандум тараптар үшін тікелей қаржылық міндеттемелер немесе заңды салдарлар тудырмайды.
-
Бірлескен іс-шаралардың шығыстары өзара келісім бойынша бөлінеді.
