Шын жүректен кітап сыйла

 «Шын жүректен кітап сыйла!» акциясы 14 ақпан – Халықаралық кітап сыйлау күніне орай балабақшамызда «Шын жүректен кітап сыйла!» акциясы ұйымдастырылды. Жетекшісі қазақ тілі пәні мұғалімі Г.С. Шукурова . Акцияның басты мақсаты – балалардың кітапқа деген қызығушылығын арттыру, оқу мәдениетін қалыптастыру және рухани құндылықтарды дәріптеу. Кітап – баланың ой-өрісін кеңейтетін, қиялын дамытатын, тіл байлығын арттыратын сарқылмас қазына. Іс-шара барысында ата-аналар мен бүлдіршіндер балабақша кітап қорын жаңа ертегілермен, танымдық және дамытушы кітаптармен толықтырды. Сыйға тартылған әрбір кітап – балаларға деген қамқорлық пен ізгі ниеттің көрінісі. Осындай тәрбиелік мәні зор шаралар арқылы біз кітап оқуға деген сүйіспеншілікті арттырып, білімге құштар ұрпақ тәрбиелеуге үлес қосамыз. Кітап сыйлау – жүректен шыққан ең жылы сый!